(Mother Ice) Chan Yu Yin
A mother, a senior children art educator, a psychotherapist and a drama instructor, Chan Yu Yin once hosted the RTHK children's television programs including "The Point Bug - Happy Hearts" and "The Boys Base Camp".
Development Education, Hong Kong, Macau and Taiwan20 JUN 2017
圖 / 文: 冰冰媽媽
喺香港，教育係一種消費，我哋好容易花費左啲金錢，就以為滿足左仔女教育嘅需要，好多時候錢洗咗，但係亦唔見得小朋友從中「學習」了什麼，更遇到好多經驗，以為可以提升佢嘅興趣，相反仲嚇怕左佢學習嘅動機！
我同阿女去了一個很特別的工作坊，是有關「體驗難民」，樂施會工作坊名額好少好快就已經full ！有時候自己有職業病，其實都唔想，但係又忍唔住心中評論一下不同導師帶領方法同設計，今次嘅工作坊，一個咁難令小朋友明白嘅議題，可以點玩呢？而且參加者年紀都有幾年嘅分別，又如何照顧好似我個女比較細小嘅小朋友呢？
細節唔仔細講，但係導師既處理/設計真係非常值得讚賞！由一個簡單的繪本故事開始，一層層帶小朋友進入難民嘅心路歷程，當你要同家人分離的時候，有什麼感覺呢？投入的小朋友有些小眼睛也紅了！阿女説：「我以後都唔再玩呢個遊戲（活動）啦！」（證明非常投入）然後導師又細心地因應小朋友嘅年紀能力，比佢哋擔任唔同難民嘅責任，小朋友又覺得好玩，但係又真係體驗到難民嘅辛酸，最後先至比佢哋睇返呢個世界現實嘅情況，比佢哋知道世界嘅另一面，究竟發生乜嘢事。
